بنگلورو،20؍جولائی(ایس او نیوز) ریاست کی جنتادل (ایس) کانگریس مخلوط حکومت میں شامل وزراء کو اضلاع کی ذمہ داری تقسیم کرنے کے لئے فہرست تیار ہوچکی ہے۔ اسے منظور کرکے منظر عام پر لانے ہی باقی رہ گیا ہے۔
میسور ضلع کے لئے جی ٹی دیوے گوڈا کو ذمہ داری سونپی گئی ہے۔جبکہ چکمگلور کے لئے سارا مہیش کو انچارج بنایا گیاہے، منڈیا کے انچارج وزیر سی ایس پٹ راجو ہوں گے، اور ہاسن کے لئے ایچ ڈی ریونا انچارج مقرر کئے گئے ہیں۔ ٹمکور ضلع کے لئے گبی سرینواس، چامراج نگر ضلع کے پٹ رنگا شٹی انچارج ہوں گے۔ کرشنا بائرے گوڈا کولار ضلع کے اور این ایچ شیوشنکر ریڈی چکبالاپور ضلع کے انچارج ہوں گے، ضمیر احمد خان کو بنگلور رورل کا انچارج وزیر بنایا گیا ہے، کے جے جارج کورگ کے انچارج وزیر ہوں گے۔ یوٹی قادر دکشن کنڑا اور جئے مالا اڈپی ضلع کی انچارج وزیر ہوں گی۔ ڈی سی تمنا شیموگہ کے انچارج، سارا مہیش چکمگلور کے انچارج ہوں گے، رام نگرم اور بلاری اضلاع کے انچارج کے طور پر ڈی کے شیوکمار کو ذمہ داری سونپی گئی ہے۔
شہر بنگلور کے انچارج نائب وزیر اعلیٰ ڈاکٹر جی پرمیشور ، چترادرگہ کے لئے وینکٹ رامنپا ، ہاویری کے لئے آر شنکر، دھارواڑ اور بلگاوی کے لئے رمیش جارکی ہولی، شمالی کینرا کے لئے آر وی دیش پانڈے، گدگ کے لئے کرشنا بائرے گوڈا، کوپل کے لئے بینڈپا قاسم پور، کلبرگی اور یادگیر کے لئے پریانک کھرگے ، رائچور کے لئے وینکٹ راؤ ناڈا گوڈا اور باگلکوٹ کے لئے ایم سی منا گولی کو انچارج وزیر بنائے جانے کا امکان ہے۔